Umaasa ng pagbabago ang Integrated Bar of the Philippines (IBP) sa ilalim ng pamumuno ni bagong Supreme Court Chief Justice Diosdado Peralta.
Ayon kay IBP National President Atty. Egon Cayosa, malaki ang posibilidad na mas mapapabilis na ang pagresolba ng mga kaso dahil sa 25 taong karanasan bilang mahistrado ni Peralta.
Kasabay nito tiniyak ni Cayosa na makikipagtulungan ang IBP kay Peralta para mas marami pang mabigyan ng hustisya sa bansa.
Si Peralta ang papalit kay dating Chief Justice Lucas Bersamin na nagretiro nuong Oktubre 8.
