Hinimok ng Malakanyang ang mga empleyado ng Intercontinental Broadcasting Corporation (IBC-13) na pormal na magpadala ng sulat kay Pangulong Rodrigo Duterte.
Kaugnay ito ng kanilang kahilingan na maimbestigahan ang alegasyon ng kurapsyon sa naturang Television Networks.
Ayon kay Presidential Spokesperson Harry Roque, maaaring sumulat ang mga empleyado ng IBC-13 kay Pangulong Duterte kung hindi sila kuntento sa ibinagay na tugon ng Presidential Communications Operations Office (PCOO).
Sinabi ni Roque, kanila nang ipinauubaya ang usapin sa PCOO dahil ito ang ahensiya nakasasakop sa IBC-13.
Una rito, naglunsad ng serye ng protesta ang mga empleyado ng IBC-13 para ipanawagan ang pagtigil sa umano’y kurapsyon at mismanagement ng pamunuan ng network.
