Pinalawig ng Department of Transportation (DOTr) ang i-ACT o Inter – Agency Council on Traffic Operations nito.
Ito ay para maresolba ang problema sa trapiko sa Commonwealth Avenue at C5 Road.
Ayon kay Undersecretary for Road Transport and Infrastructure Tim Orbos, magkakapit bisig sila ng Metro Manila Development Authority (MMDA), local government units (LGU’s) at pribadong sektor para maayos ang trapiko sa mga nabanggit na lugar.
Una nang inabisuhan ng mga otoridad ang mga motoristang dumadaan sa Commonwealth Avenue na asahan ang matinding daloy ng trapiko araw-araw dahil sa konstruksyon ng MRT line 7.
By Judith Estrada – Larino
SMW: RPE
