Ipasusubasta ng MMDA o Metropolitan Manila Development Authority ang 153 nakatenggang sasakyan sa kanilang impounding area.
Itinakda sa August 16 ang pre-bidding, habang sa August 29 ang mismong auction.
Kabilang sa bidding requirements ay ang mga sumusunod: letter of intent, latest financial statement na nakasaad sa income tax return, auditor’s o accountant’s certificate, at DTI / SEC Registration.
Alinsunod sa MMDA Resolution, may karapatan na ipa-auction ang mga na-impound na sasakyan kapag hindi tinubos ng mga may-ari sa loob ng 6 na buwan.
Gayunman, sinabi ng MMDA na maaaring mabawi ng may-ari ang sasakyan nila na na-impound kapag binayaran ang multa.
