“Libre ang mangarap”!
Ito ang nagkaka-isang pahayag ng ilang Lider ng Kamara bilang reaksyon sa pagiging kumpiyansa ni VP Sara Duterte hinggil sa kinakaharap niyang impeachment.
Giit nina House Assistant Majority Leader at Zambales 1st District Rep. Jay Khonghun at Deputy Majority Leader at La Union 1st District Rep. Paolo Ortega V na suportado ng matitibay na ebidensya ang sinasabing kuwestyunableng paggamit ng pondo.
Ayon kina Representatives Khonghun at Ortega, hindi mabubura ng kumpiyansang pahayag ni VP Sara ang bigat ng mga kasong kinakaharap nya sa Senado na tatayong “impeachment court”.
Binigyang-diin din ng dalawang lider ng Kamara na hindi “political harassment” ang impeachment laban kay VP Sara kundi “accountability in action”.
Nauna nang “minaliit” Ni VP Sara ang mga inihaing reklamo sa kanya kasabay ng pahayag na kumpiyansa siyang ma-a-acquit ng kanyang legal team.
