Bumwelta si Senadora Risa Hontiveros kay OWWA Deputy Executive Director Mocha Uson hinggil sa pagpapakalat ng fake news.
Sa kasagsagan ng pagdinig sa Senado ukol sa mga anomalya sa PhilHealth, nag-post si Uson sa kanyang social media account at pinasaringan si Hontiveros, na nagsilbing board member ng PhilHealth noong 2014 hanggang 2015.
Ayon kay Hontiveros, sinabi aniya ng Commission on Audit (COA) at PhilHealth na hindi kabilang ang senadora sa mga alegasyon ng maling paggamit ng pondo ng ahensiya.
Pagdidiin pa ni Hontiveros, dapat managot ang mga taga-PhilHealth na may sala at kinakailangan din aniyang magkaruon ng reporma sa ahensya.
