Muling hiniling ng prosekusyon sa Sandiganbayan na ibasura ang hirit ni Janet Lim-Napoles na makapagpiyansa sa kasong plunder na may kaugnayan sa pork barrel scam.
Sa 14-na pahinang opposition, iginiit ng prosecution panel na ang mga argumentong tinukoy ni Napoles sa kanyang bail petition ay nararapat na ilatag sa mismong paglilitis sa kaso.
Ayon sa prosekusyon, dapat ibasura ang motion for reconsideration ni Napoles dahil sa kawalan ng merito.
Matatandaang binalewala ng Anti-Graft Court ang hirit ni Napoles noong Oktubre dahil matibay umano ang ebidensyang magdidiin dito.
By Jelbert Perdez
