Umabot na sa 23,458 na bilanggo ang nabigyan ng unang booster shot laban sa COVID-19 sa Bureau of Corrections.
Ito ang sinabi ni Dr. Henry Fabro ng BuCor health service, na ito ay kumakatawan sa 54% ng populasyon ng mga nakatanggap na ng dalawang dose ng bakuna.
Sa nasabing bilang, pinakamarami ang naturukan sa New Bilibid Prison na nasa 9,300.
Sinundan ng Davao Prison and Penal Farm na nasa 5,100.
Habang higit 3,000 sa Correctional Institution for Women sa lungsod ng Mandaluyong.
