Pumalo na sa 90% na ang naabot na target na herd immunity ng ilang lugar sa bansa kabilang na ang Metro Manila.
Sa Laging Handa Briefing, sinabi ni National Task Force Against COVID-19 Medical Adviser Dr. Ted Herbosa, nasa 90% na ang naabot na fully vaccinated individual habang nasa 100% naman ang mga nabigyan na ng first dose ng bakuna.
Gayunman, mayroon pa ring ibang lugar ang nasa 40% pa lamang ang mga fully vaccinated habang nasa 70% naman ang mga nabigyan ng first dose sa bansa.
Samantala, patuloy namang pinaalalahanan ni Herbosa ang mga hindi pa bakunado na samantalahin ang pagkakataon at makilahok sa 2nd round ng National Vaccination Drive sa darating na Disyembre a-15 hanggang 17. —sa panulat ni Kim Gomez
