Arestado ang hepe ng Philippine National Police o PNP Crime Laboratory Alabang Sattelite Office at ang kasamahan nito, sa raid sa isang bahay sa Everlasting Homes sa Las Piñas, kaninang umaga.
Sa report ng Southern Police District, naaktuhan ng mga kawani ng Las Piñas Police na gumagamit ng shabu sa pot session si Supt. Lito Cabamongan.
Kasama ni Cabamongan na naaresto si Neddy Sabdao, isa ring residente sa lugar.
Nakuha sa kanilang dalawa ang apat na sachet ng shabu, dalawang disposable lighters at tatlong aluminium foil strips.
By Katrina Valle |With Report from Jonathan Andal
