Na-feature sa Fendi’s instagram page ang aktres at socialite na si Heart Evangelista.
Sa larawang ibinahagi ni Heart sa kaniyang Instagram page, makikita ang Instragram stories ng Fendi kung saan naroon ang larawan ng aktres nang dumalo ito sa Autumn-Winter 2022 Show sa Paris Haute Couture week.
Ilan pa sa mga personalidad na na-feature sa Fendi ay ang South Korean Superstar na si Song Hye Kyo, English actress na si Lashana Lynch at Canadian supermodel at activist na si Winnie Harlow.
Una nang nakasama ni Heart sa isang larawan sina Hye Kyo at ang “Emily in Paris” stars na sina Camille Razat at Ashley Park.
