Mananatili ang bahagya hanggang katamtamang haze sa ilang bahagi ng Visayas at Mindanao.
Ayon kay Engr. Oscar Tabada, Officer in Charge sa Visayas PAGASA Regional Services Division, bahagya nang humupa ang haze dahil sa pagpasok ng hanging amihan.
Gayunman, pinayuhan ni Tabada ang publiko na laging makinig sa update hinggil sa kapal ng haze sa kanilang lugar bago lumabas ng bahay upang makaiwas sa disgrasya.
Matatandaan na 2 katao na ang nasawi sa General Santos City matapos atakihin ng asthma dahil sa haze.
AUDIO: Bahagi ng panayam kay Engineer Oscar Tabada
Metro Manila
Kaugnay nito, patuloy namang minomonitor ng PAGASA ang namataang light haze sa Metro Manila na posibleng nagmula sa forest fires sa Indonesia.
Sinabi ng PAGASA na posibleng dumami pa ang haze sa kalangitan ng Metro Manila kapag lumakas ang usok sa pinanggagalingan nito.
Ayon sa PAGASA, uubra namang mawala ang haze depende na lamang sa direksyon ng hangin at kung may sama ng panahon na tatama sa bansa na maaaring magtulak sa haze pababa.
By Len Aguirre | Kasangga Mo Ang Langit | Judith Larino
