Aabot sa halos P2 milyong halaga ng smuggled cigarettes ang nasabat ng mga otoridad sa isang suspek sa ikinasang operasyon sa barangay San Jose Gusu, Zamboanga City.
Kinilala ang suspek na si Norben Sangam, 27-anyos na nakuhanan ng limamput limang kahon ng sigarilyo na nagkakahalaga ng P1,925,000.
Ayon kay Zamboanga City Police Chief Col. Alexander Lorenzo, ito na ang ikalima sa kanilang anti-smuggling operation kung saan ang huli ay isinagawa sa brgy. Kasanyangan na nagresulta naman sa pagkasamsam ng P1.7 million na halaga ng puslit na sigarilyo.
Sa ngayon, inihahanda na ang kaukulang kaso laban sa naarestong suspek.
