Nai-remit na ng LTFRB o Land Transportation Franchising and Regulatory Board sa Bureau of Treasury ang halos dalawandaang milyong pisong ibinayad ng Uber bilang multa para maalis ang kanilang suspensyon.
Ipinabatid ito ni LTFRB Spokesperson Atty. Aileen Lizada kasunod nang pagbabalik sa operasyon ng Uber noong Martes ng hapon.
Sinabi pa ni Lizada na kaagad nilang ini-remit ang nasabing halaga sa national treasury na siyang tamang gawin.
Bahala na aniya ang national treasury na ipamahagi ang nasabing halaga sa mga tanggapan sa gobyerno bilang bahagi ng national budget.
Ang pahayag ay kasunod ng mga batikos sa LTFRB ng netizens na kumita o pinalalabas umanong tiwali ang mga opisyal sa naturang ahensya.
