Nananatili pa rin sa evacuation centers sa Biñan, Laguna ang 886 na pamilya.
Tatlong linggo ito matapos manalasa ang bagyong Paeng sa ilang parte ng Southern Luzon.
Batay sa datos ng City Social Welfare and Development Office, katumbas ang bilang ng 3,606 indibidwal na nananatili sa siyam na evacuation centers.
Nagtayo naman ng pansamantalang tulay ang lokal na pamahalaan sa lugar, para umagapay sa mga residente nang hindi lumulusong sa baha.
Ang mga barangay sa Biñan na lubog pa rin sa baha dahil sa pag-apaw ng Laguna Lake ay ang Dela Paz, Malaban, at San Jose.
