Patay ang halos 50 katao at tinatayang 100 ang sugatan sa pagsalakay ng mga armadong kalalakihan sa isang police training academy sa Queatta, Pakistan.
Ayon sa report, 5 hanggang 6 na terorista ang lumusob sa Balochistan Police College kung saan una nang binihag ang 200 police trainees gayundin ang ilang pulis.
Sinabi ng Home Minister ng Balochistan Province na idineklara nila ang emergency status sa mga ospital palibot ng Quetta kasunod na rin ng major operation ng Pakistani troops.
Sinasabing 500 kadete ang nanunuluyan sa nasabing academy.
By Judith Larino
