Patay ang isang Grade 12 student matapos barilin ng dalawang salarin sa Barangay Bagong Barrio, Caloocan City.
Kinilala ang biktimang si Angelo Catalan, 20-anyos, habang nadakip ang isa sa mga suspek na nakilalang si Mark Roland Abrazaldo, 19-anyos.
Ayon sa Caloocan City Police, hinahabol ng dalawang lalaki ang biktima at nang makorner ay malapitan itong binaril sa ulo saka mabilis na nagsitakas ang mga suspek.
Bagaman hindi narekober ng pulisya kay Abrazaldo ang baril na ginamit sa krimen, nabawi naman ang berde at dilaw na T-shirt na suot ng biktima.
Inaalam pa ng pulisya ang motibo sa insidente habang patuloy ang follow-up operation para sa agarang pagkakaaresto sa kasabwat ni Abrazaldo. —sa panulat ni Mara Valle
