Tuloy-tuloy ang government-led SIM registration assistance sa iba’t ibang panig ng bansa.
Sinasabing patuloy ding sinusuportahan ng isang telco ang assistance program kung saan nag-deploy ito ng booths sa 15 pang lugar ngayong linggo.
Ayon sa ulat, bahagi ito ng pagsisikap ng Globe na maabot ang mas maraming customers para makapagparehistro hanggang April 26, 2023 deadline.
Kung kailangan ninyo ng tulong para irehisto ang inyong SIM, ang assistance booths ng Globe ay nasa mga sumusunod na lugar:
February 8
● Magpet, Cotabato (Municipal Gym)
February 9
● Bauang, La Union (People’s Hall, MSWD Office)
● Echague, Isabela (Evacuation Center, Municipal Compound, Brgy. San Fabian)
● San Simon, Pampanga (Municipal Covered Court)
● Agoncillo, Batangas (Agoncillo Municipal Covered Court)
● Libmanan, Camarines Sur (Libmanan Sports Complex)
● Abuyog, Leyte (Brgy. Nalibunan Covered Court)
● Salay, Misamis Oriental (Senator Ernesto Herrera Gymnasium, Brgy. Poblacion)
● La Paz, Agusan del Sur (Municipal Gym, Poblacion)
● Bauko, Mountain Province (Municipal Open Court, Brgy. Abatan)
February 10
● Pandan, Antique (Pandan Sports Complex)
● Bogo City, Cebu (City Sports Complex, Don Celestino Martines Sr. Sports & Cultural Center (Complex), Brgy. Taytayan)
● Padada, Davao del Sur (ABC Covered Court)
Pahayag ni Cleo Santos, head ng Channel Management Group ng telco, ang assisted SIM Registration ay naunang isinagawa sa Colegio de Naujan Gymnasium sa Brgy. Santiago, Naujan, Oriental Mindoro noong Martes, February 7.
Hinihikayat ang mga customer na ihanda ang mga kinakailangang impormasyon tulad ng full name, date of birth, sex, address, government ID with photo, at mobile number sa kanilang pagbisita sa mga booth.
Nauna nang sinuportahan ng kompanya unang dalawang rounds ng government-led SIM registration at sinimulang ilatag ang sarili nitong SIM registration desks.
Hanggang February 7, nakapagtala ang Globe ng mahigit 12 million registered prepaid SIMs.
Napag-alaman na ang SIM registration ay bukas sa lahat, lalo na sa senior citizens, persons with disabilities (PWDs), basic/feature phone users, at yaong mga walang access sa internet.