Nananatiling positibo ang gobyerno na kayang maabot ang limang minutong travel time mula Cubao patungong Makati City bago matapos ang taong ito.
Ayon kay Build, Build, Build inter-agency committee chair Anna Lamentillo, maraming proyekto ngayon sa Metro Manila ang inaasahang matatapos ngayong taon.
Ang naturang mga proyekto aniya ay inaasahang magpapagaan sa daloy ng trapiko sa EDSA.
Dahil dito aniya hindi malabong magawa ang 5-minute challenge mula Cubao hanggang Makati City.
Una rito, sinabi ni Pangulong Rodrigo Duterte na kaniyang sisikaping na gawing limang minuto ang byahe sa pagitan ng Cubao at Makati.
