Pinalagan ng gobyerno ang akusasyon na wala itong kakayahan na solusyunan ang problema sa transportasyon partikular ang Metro Rail Transit (MRT) 3.
Ayon kay Communications Secretary Sonny Coloma, patuloy ang ginagawang pagsisikap ng pamahalaan na mas mapabuti ang MRT-3 at ang mga pampublikong transportasyon sa bansa.
Sinabi ni Coloma na nasa ilalim ng administrasyon Aquino ay naaksyunan ang mga kaso ng katiwalian sa dating pamunuan ng naturang tren.
Reaksyon ito ng pamahalaan kasunod na rin ng naging pagbatikos ng business consultant na si Peter Wallace sa kawalan ng kakayahan ng gobyerno na maayos ang mass transport system sa bansa kasunod na rin ng madalas na nararanasang aberya sa MRT-3.
By Rianne Briones
