Nag-alok ng libreng sakay sa mga tren ang bansang Germany para sa mga Ukrainian Refugee mula sa Poland.
Ayon sa Rail Operator ng Germany, sa ngayon nasa anim na tren ang tumatakbo araw-araw mula sa Poland hanggang Germany.
Ito ay para bigyang daan ang mga Ukrainian na sapilitang lumikas sa Poland dahil sa ginagawang pananakop ng Russian Forces.
Sa ngayon plano ng Germany na dagdagan ang kapasidad ng bawat tren na bibiyahe sa nasabing lugar para mapabilis ang paglikas ng mga Ukrainian refugee. —sa panulat ni Angelica Doctolero
