It’s a girl!
Ito ang lumabas sa ginawang gender reveal ni Miss Reina Hispano Americana 2017 Winwyn Marquez.
Sobrang saya ni Winwyn at niyakap ang partner nang lumabas ang pink smoke at confetti nang tusukin niya ang itim na lobong hawak nila ng kanyang partner para malaman ang magiging gender ng kanilang panganay.
Sa kanyang instagram post, ipinasilip ni Winwyn ang video ng nasabing gender reveal kung saan present ang kanyang ina na si Alma Moreno, amang si Joey Marquez, mga kapatid, kaanak at mga kaibigan nila ng kanyang partner.
Sinabi ni Winwyn sa kanyang post na excited na siyang makita ang kanyang unang supling kasabay nang pasasalamat sa kanyang partner na super supportive at love na love siya.
