Lumago sa 7.4% ang Gross Domestic Product (GDP) ng bansa para sa ikalawang bahagi ng 2022.
Mas mababa ito kumpara sa 8.2% na naitala sa unang quarter ng 2022 at 12.1% sa kaparehong quarter noong 2021.
Batay sa ulat ng Philippine Statistics Authority (PSA), ang services sector ang may pinakamalaking ambag sa ikalawang quarter gdp growth na 5.5% na sinundan sektor ng industry sector sa antas na 1.9%
Ito na aniya ang ikalimang magkasunod na quarter na nakapagtala ng paglago ang ekonomiya mula sa ikalawang quarter ng 2021.
Makakaasa naman aniya ang mamamayan na sisikapin ng pamahalaan na patatagin pa ang ekonomiya sa pamamagitan ng patuloy na risk management protocols, malawakang bakunahan, at full resumption ng domestic activities.