Pinainit ng tatlong teams ng Pilipinas ang dance floor sa Phoenix, Arizona matapos manalo sa 2017 World Hip Hop Dance Championship.
Sa pangalawang pagkakataon nanguna ang UPeepz sa iskor na 8.33 sa MegaCrew Division, na sinundan naman ng Da’ Republik mula sa Dominican Republic sa iskor na 8.08.
Sumabit naman sa top five ang dalawa pang grupo mula sa Pilipinas, ang Legit Status sa ikatlong puwesto na may iskor na 7.99, at The Alliance sa ika-limang puwesto sa iskor na 7.70.
Nagpasikat din sa Junior Division ang Lil Peepz na mula rin sa Pilipinas na pinanaluhan ang ika-pitong puwesto.
Habang nasa ika-pito at ika-walong puwesto naman ang Kingsmen at Legit Status sa Varsity Division.
Samantala, binaha ng papuri ang mga hip hop dance group mula sa kani-kanilang mga taga-hanga at mga kababayan.
