Target ng Light Railway Transit Authority (LRTA) na maibalik sa full operation ang LRT-2 sa susunod na dalawa hanggang tatlong buwan.
Ayon kay LRTA Spokesman Hernando Cabrera, nais sana nilang maibalik na sa full operations ang LRT-2 bago magpasko.
Gayunman, depende pa rin anya ito sa resulta ng paghihimay sa mga nasirang parte ng linya at tagal ng pagbili ng spare parts sa ibang bansa.
Matatandaang nagpatupad ng partial operations ang LRT-2 o mula Recto hanggang Cubao stations matapos na masunog ang dalawang rectifiers nito.
