Pumanaw na sa edad na 88 taong gulang ang isa sa manunulat at constitutionalist na si Fr. Joaquin Bernas, ngayong araw.
Ito’y matapos ma-diagnosed ang pari ng impeksyon na kailangang magamot sa loob ng anim na linggo.
Una na ring na-confine ang pari sa the Medical City at lumabas sa pagamutan noong ika-4 ng marso.
Dahil dito, nagpaabot naman ng pagdadalamhati ang the Ateneo Law School sa pagkamatay ni Bernas.
Samantala, humihiling naman ng panalangin ang Jesuit community para sa pagpanaw ng pari.
Si Fr. Bernas ay isang dean emeritus ng Ateneo Law School at kabilang sa gumawa sa 1987 Philippine Constitution. — sa panulat ni Rashid Locsin.
