Inihain sa House of Representative ni Davao Representative Paolo Duterte ang isang panukala na humihiling na ideklara bilang regular government employee na mayroong fixed salaries ang mga barangay officials.
Nakasaad sa House Bill 502 ni Duterte na ang barangay ang nagsisilbing “Office of First Resort of the People” at dito unang nireresolba ang mga isyu ng mga residente.
Kung kaya’y mahalaga aniyang mabigyan ito ng importansya sa pamamagitan ng pagbibigay ng sapat na sweldo.
Mababatid na kung maisabatas ang naturang panukala ay magkakaroon din ng government service insurance system, Philhealth at Pag-IBIG fund benefits ang mga opisyal ng barangay.
Samantala, sa kasalukuyang batas ang barangay chairman at miyembro ng barangay council ay tumatanggap ng sahod sa pamamagitan lamang ng honorarium.