Nakadepende sa maitatalang bilang ng mga bagong kumpirmadong kaso ng coronavirus disease 2019 (COVID-19) kada araw ang magiging pasiya hinggil sa pagpapalawig o pagtatapos ng enhanced community quarantine (ECQ)sa buong Luzon.
Ito ay ayon kay National Defense Secretary Delfin Lorenzana ang gagamiting batayan para sa kahihinatnan ng ECQ.
Sinabi ni lorenzana, kaya mahalaga aniya ang mga magiging resulta ng datos sa natitira pang labing isa araw ng Abril.
Dagdag ni Lorenzana, ito rin aniya ang dahilan kaya nangangamba ang pamahalaan sa pagdami ng mga sumusuway at lumalabas na ng kanilang mga tahanan sa mga nakalipas na araw.
Ginamit din nila itong batayan para atasan si AFP Chief of Staff General Felimon Santos Jr. na magdeploy ng mga karagdagang tropa ng pamahalaan sa metro manila at iba pang bahagi ng luzon na may mataas na kaso ng COVID-19.
