Simula sa Martes, Disyembre 1, extended na ang operating hours ng mga mall sa Metro Manila.
Ayon kay Metropolitan Manila Development Authority Chairman Atty Emerson Carlos, lumagda sa isang manifesto ang mga mall operators na pahabain pa ang kanilang operating hours upang maibsan kahit papano ang traffic sa mga pangunahing kalsada sa Metro Manila.
Sa kasunduang pinirmahan ng 15 mall operators, nakasaad na mula 10:00 ng umaga hanggang 11:00 ng gabi bukas ang mga mall.
Kailangan namang ipaalam ng mga mall operators sa mmda ang mga events ng mga ito katulad ng sale at concert upang mapaghandaan ng ahensya.
By: Jonathan Andal
