Patay ang biktimang si Luis Abrigo, matapos pagbabarilin sa loob ng kanyang bahay ng mga di kilalang suspek sa barangay Batasan Hills.
Ayon kay Tessie Valero, may-bahay ng biktima, natutulog sila ng biglang na lamang na sapilitang pumasok sa kanilang bahay ang mga salarin na pawang nakasumbrero at naka-bonnet.
Pahayag ni Valero, sasamahan sana nito ang kanyang mister nang hatakin ito pababa ng bahay ngunit hinila at binangga umano sya ng pintuan ng isa sa mga suspek.
Ilang sandali lamang aniya ang lumipas nang bigla syang makarinig ng sunod sunod na putok ng baril.
Nabatid na kakalaya lamang noong nakaraang taon ni Abrigo makaraang makulong ng halos pitong taon dahil sa kaso na may kinalaman sa iligal na droga.
Sa ngayon patuloy na iniimbestigahan ng mga otoridad ang nangyaring krimen.
