Ibinahagi ni Darren Espanto sa kanyang mga tagahanga ang mga karanasan niya sa gitna ng coronavirus disease 2019 (COVID-19) crisis habang nasa Canada.
Ayon kay Espanto, hindi biro ang trabaho ng kanyang mga magulang dahil pawang mga frontliners ang mga ito sa nabanggit na bansa.
Nahihirapan din aniya siyang makipag-interact sa kanyang mga magulang dahil kinailangan pa ng mga ito na maligo at mag-sanitize sa garahe pagkagaling ng trabaho bago pumasok ng kanilang bahay.
Samantala, bilang bagong Youth Advocate ng United Nations Development Programme, nanawagan din sa publiko si Espanto na panatilihing malinis ang katawan at sumunod sa tamang physical distancing.
