Nababahala ang World Health Organization (WHO) hinggil sa desisyon ng US Supreme Court na tuldukan na sa bansa ang right to abortion.
Ayon kay WHO Chief Tedros Ghebreyesus, maaaring makaapekto rin sa ibang bansa ang nasabing desisyon o gayahin ito.
Umaasa anya sila na mareresolba ng Amerika ang issue upang hindi pamarisan ng iba.
Iginiit din ni Tedros, karapatan ng lahat ng babae na pumili kung ano ang nararapat para sa kanilang katawan at kalusugan at ang “safe abortion umano ay bahagi ng health care at nakapagliligtas ng buhay”.
