Patay ang 10 katao sa naganap na pagsabog sa isang terminal ng bus sa siyudad ng Multan sa Pakistan.
Maliban sa mga nasawi, papalo naman sa 40 ang naitalang nasugatan sa insidente.
Ayon sa mga otoridad, bumangga ang isang pampasaherong sasakyan o motorised rickshaw sa isang bus stop na nagdulot ng malaking sunog na sinundan ng malakas na pagsabog.
Naniniwala ang pulisya na may lamang pampasabog ang naturang sasakyan na patuloy namang sinisiyasat ngayon ng mga eksperto.
Inaasahan namang tataas pa ang bilang ng mga nasawi dahil sa marami sa mga sugatan ang nasa kritikal na kondisyon.
By: Ralph Obina
