Idineklarang brain dead ang isang empleyado ng Mcdonald’s sa United States matapos itong barilin dahil sa inihaing malamig na french fries.
Kinilala ang biktima na si Matthew Webb, 23-anyos, na kasalukuyang naka-life support dahil sa tinamong tama ng bala sa leeg.
Ayon sa mga otoridad, nagkaroon ng pagtatalo sa pagitan ni Webb at ng babaeng customer dahil sa ibinigay sa kanyang cold fries.
Ka-Facetime ng babae nang mga oras na iyon ang kanyang anak na si Michael Morgan, 20-anyos, na sumugod sa naturang fast food chain at nakaalitan ang biktima na humantong sa pagkakabaril nito.
Ayon sa New York Police Department, sinampahan na ng kasong Attempted Murder at Criminal Possession of a Loaded Firearm si Morgan, na napag-alamang ilang beses na ring naaresto dahil sa iba’t ibang krimen.
