Kinumpirma mismo ni Atty. Rene Rebo Saguisag, ang abogado ng aktres na si Ellen Adarna na nanganak na nga ang kanyang kliyente noong June 27.
Ang kumpirmasyon ay ginawa ni Saguisag nang magtungo ito sa Pasig Prosecutors Office para magsumite ng counter affidavit sa kinahaharap na reklamong child abuse at cyber-crime ni Ellen kahapon
Kasabay nito, itinanggi ni Saguisag na tinatangka lamang ng kanilang panig na maantala ang pagdinig sa kaso dahil sa ilang beses na kabiguan ni Ellen na dumalo rito.
Paliwanag ni Saguisag, matatawag lamang itong delay dahil kailangang bigyang daan ang ligtas na panganganak ng aktres.
Dagdag pa ni Saguisag, hirap pa rin aniya si Ellen na bumiyahe lalo’t ilang araw pa lamang matapos itong makapanganak.
—-
