Aalisin na ni Davao City Mayor Sara Duterte ang pinaiiral na enhanced community quarantine (ECQ) sa lungsod sa ika-26 ng Abril.
Ito, ayon kay Mayor Duterte, ay para unti-unting maibalik ang operasyon ng mass transportation at ilang trabaho, batay na rin sa inirekomendang modified community quarantine ng health experts.
Sinabi ng alkalde na maaari na ring bumalik sa kanilang trabaho ang ilang empleyado bagamat may limitasyon at kailangang pairalin ang social distancing sa lahat ng pagkakataon.
Bukod dito, inihayag ni Mayor Sara ang pagkakasa ng skeletal workforce at pinaikling work hours ng essential establishments na papayagang makapag-operate.
