Nagpasalamat si incoming President Rodrigo Duterte sa kanyang mga tagasuporta sa Cebu City.
Ito ay sa gitna ng idinaos na private thanksgiving party ni Duterte sa Cebu Country Club kagabi.
Hindi inaasahang lumabas si Duterte sa venue para batiin ang ilang mga tagasuporta at mga miyembro ng media na nag-aabang sa labas.
Nagpasalamat si Duterte sa mga Cebuano na solidong sumuporta sa kanya sa pamamagitan ng higit isang milyong boto noong nakaraang eleksyon.
Nagpaliwanag din si Duterte sa kanyang restriktong pagkilos dahil sa kanyang mga Presidential Security Group.
By Rianne Briones
