Patay ang isang drug suspect habang arestado ang dalawang (2) kasama nito sa ikinasang buy-bust operation ng pulisya sa San Pablo City, Laguna.
Ayon kay Major Ryan Orapa, natunugan ng mga pulis ang bentahan ng shabu sa Barangay Santiago II.
Dahil dito nagsagawa ng operasyon ang mga awtoridad.
Dito nanlaban ang suspek na si Manuel Cueto kung saan una umano itong nagpaputok ng baril.
Napilitan na umanong gumanti ang mga pulis dahilan ng pagkamatay ng suspek.
Narekober kay Cueto ang sampung gramo (10g) ng shabu habang limang gramo (5g) ang nakuha sa dalawa nitong kasabwat.
