Natukoy na ng LTO o Land Transportation Office ang driver ng kotseng sangkot sa drifting incident sa Tomas Morato Avenue, Quezon City kamakailan.
Kasunod nito ang pag i isyu ng LTO ng show cause order sa TNVS driver na wala sa kaniyang bahay sa Caloocan City nang isilbi ang nasabing direktiba.
Pinadalhan na rin ng summon ang nasabing TNVS driver para magpakita sa LTO sa December 21 at binantaang babawiin ang lisensya kapag napatunayang guilty sa paglabag sa batas trapiko.
Ayon naman sa tiyuhin ng naturang driver na tumanggap ng show cause order delikado ang ginawa ng kaniyang pamangkin kayat dapat itong managot sa batas kung ito nga ang nagmamaneho sa naturang sasakyan.
Ang nasabing sasakyan aniya ay regalo sa naturang driver para ipampasada nito bilang TNVS.
