Binuksan na ang drive-through coronavirus disease 2019 (COVID-19) testing center sa Bonifacio Global City sa Taguig.
Ito ay bahagi ng Systematic Approach to Responsible Testing (SMART) program ng lungsod.
Dito isinasagawa ng mga healthworker ang swab tests sa mga residenteng may sasakyan na hindi makapagpa-test sa ibang testing facility.
Matatagpuan ang drive-through COVID-19 testing center sa northeast parking area sa harap ng Kidzania.
Bukas ito tuwing araw ng Miyerkules, mula alas tres ng hapon hanggang alas singko ng hapon.
