Tutulungan ng Department Of Transportation (DOTr) ang mga driver na hindi pa umano nababayaran sa ilalim ng service contracting program.
Ayon kay Transportation Undersecretary Steve Pastor na pina-kokonsulta na nila sa angkop na labor agencies ang mga driver ng EDSA bus way na hindi pa nakatatanggap ng bayad.
Ito’y matapos magreklamo ang ilang driver ng Es Consortium at Mega Manila Consortium na nag-o-operate sa EDSA bus carousel na 23% lamang sa halip na 30% share ng sahod ang kanilang nakukuha na syang nakasaad sa ltfrb memorandum circular 2021-029.
Giit ni Pastor, nabayaran na nila ang mga kinontrata nilang operator ng bus na siyang magpapasweldo sa kanilang mga driver at konduktor.
