May alok na libreng sakay ang Department of Transportation o DOTr sa lahat ng mga pasahero kaalinsabay ng pagdiriwang ng ika-120 anibersaryo ng kalayaan ngayong araw.
Simula ika-pito ngayong umaga, bibiyahe ang mga P2P buses mula MOA Rotonda at MRT-3 sa Taft Avenue patungong Luneta o Quirino Grandstand maging mula SM Bacoor patungong Aguinaldo Shrine sa Kawit, Cavite.
Una rito, nag-anunsyo na rin ang mga pamunuan ng Metro Rail Transit Line-3 at Light Rail Transit Lines-1 at 2 ng libreng sakay mula ika-pito hanggang ika-siyam ngayong umaga.
Susundan naman ito mamayang hapon sa ganap na ika-lima hanggang ika-pito ng gabi kaya’t hinihimok ng DOTr ang publiko na samantalahin ang libreng sakay ngayong araw na ito.
—-
