Kinumpirma ng Department of Transportation (DOTr) na nagkaroon ng bitak sa linya ng Light Rail Transit line 2 (LRT-2) matapos ding maramdaman ang lindol sa National Capital Region (NCR).
Ayon kay DOTr Undersecretary for Rails Cesar Chavez, ito ay matapos magsagawa ng inspeksyon ang mga engineer ng Light Rail Transit Authority (LRTA) sa bahagi ng Recto Station sa Maynila.
Tiniyak naman ni Chavez na walang epekto ang nakitang bitak sa sahig sa structural integrity ng naturang istasyon.
Sa ngayon, naibalik na sa normal ang operasyon ng lahat ng istasyon ng LRT-2 mula Recto Station hanggang sa Antipolo City sa Rizal.