Masayang inanunsyo ng 90’s singer na si Donna Cruz na siya’y muling magbabalik sa music scene.
Matapos pumirma ng kontrata sa Star Music, nakatakdang maglabas ng bagong album ang ‘Kapag Tumibok ang Puso’ singer at sinabing excited at thankful siya sa opportunity na muling magawa ang kanyang first love, ito ay pagkanta at ang paggawa ng musika.
Full support din kay Donna ang kanyang buong pamilya lalo na ang asawa at 3 anak.
Idinagdag ni Donna na magkakaroon siya ng 2 original songs sa album at ang kabuuan ay mga revivals ng kanyang mga paboritong Filipino songs gaya ng ‘Hanggang’ ni Wency Cornejo.
Sumikat si Donna noong 90’s sa pagkanta at paglabas din sa ilang malalaking pelikula.