Balak umano ni basketball star Dondon Hontiveros ng Alaska Aces na magretiro pagkatapos ng kasalukuyang season ng Philippine Basketball Association o PBA.
Pero, ayon sa 38-anyos na si Hontiveros, mas magiging masaya ang kanyang pagreretiro kung makukuha ng Aces ang korona sa PBA Finals.
Matatandaang nakapasok ang Alaska sa Finals matapos tambakan ang Global Port Batang Pier sa Game 5 ng semi-finals series kagabi.
Hinihintay na ng Aces ang mananalo sa serye sa pagitan ng San Miguel at Rain or Shine.
By Jelbert Perdez
