Hinimok ni Labor Secretary Rosalinda Baldoz ang mga bagong graduate na ikunsidera ang pagtatrabaho sa gobyerno lalo’t may mga bakanteng posisyon na dapat punan.
Ayon kay Baldoz, sa ngayon ay mayroong 173,000 bakanteng trabaho sa pamahalaan na bahagi ng 1.2 milyong authorized positions.
Pinakamarami anyang bakante sa Department of Education (DepEd) kung saan nasa 54,000 posisyon na pawang teacher at non-teaching personnel.
Kabilang din sa mga may maraming bakante sa Department of Health; Bureau of Internal Revenue (BIR); Supreme Court at Lower Courts; Department of Environment and Natural Resources at Commission on Audit.
Kailangang nakapasa sa Civil Service Commission examination bilang requirment ang sinumang nagnanais magsilbi sa pamahalaan pero maaari namang kahit wala ng eligibility test lalo’t kung non-career positions naman ang papasukan.
By Drew Nacino
