Binalaan ng Department of Health (DOH) ang publiko hinggil sa antibiotic resistance sa gitna ng COVID-19 pandemic.
Ito’y makaraang mapaulat sa britanya ang pagtaas muli ng bilang ng antibiotic–resistance infections ngayong may pandemya.
Umaasa si Health Undersecretary Maria Rosario Vergeire na hindi darating sa puntong patuloy na kakalat ang mga infectious disease kung hindi na tumatalab ang mga antibiotic o ordinaryong gamot sa mga karaniwang sakit.
Nagkakaroon anya ng antimicrobial resistance kung mabilis magbabago ang “bacteria, viruses, fungi at parasites” at hindi na tumatalab sa mga ito ang mga gamot dahilan para mahirapang bigyang-lunas ang mga karamdaman.
Hinihikayat naman ni Vergeire ang publiko na uminom lamang ng antibiotics base sa rekomendasyon ng doktor kasabay ng paalalang iwasan ang self-medication.
Samantala, hinimok ng DOH official ang mga pharmacist na huwag basta magbenta ng antibiotics nang walang reseta. —sa panulat ni Drew Nacino
