Nagtalaga na ang DOH o Department of Health ng mga outbreak response program team para tiyaking walang kakalat na epidemiya sa bansa.
Ito ang inihayag ni Health Secretary Francisco Duque III sa ika-anim na pagdinig ng Senado hinggil sa anti – Dengue vaccine na Dengvaxia kahapon.
Ayon kay Duque, walang dapat ikabahala ang publiko hinggil sa pagkalat ng mga sakit dahil sa pagbaba ng tiwala nito sa immunization program ng gubyerno sanhi ng naturang kontrobersiya.
Kung kinakailangan ayon kay Duque na maging makulit ang kanilang mga tauhan para ligawan muli ang mga magulang na magtiwala sa mga inilatag na vaccination program ng gubyerno.
Ulat ni DWIZ Patrol Reporter Cely Ortega-Bueno
Posted by: Robert Eugenio
