Maglulunsad ang Department of Health ng isang malawakang kampanya para mahimok ang mga Filipino na magpabakuna kontra COVID-19.
Ayon kay Health Sec. Francisco Duque III, isang massive social marketing campaign ang kanilang pina-plano upang mas lalong maging epektibo ang vaccination program ng gobyerno laban sa COVID-19.
Ito rin aniya ay para maipakita na ligtas ang mga bakuna kontra COVID-19 at hindi na mauulit ang nangyari nuon sa kaso ng dengvaxia.
Lumalabas kasi sa isang pag-aaral na maraming Filipino ang nawalan ng tiwala sa pagpapabakuna matapos ang kontrobersiya sa dengvaxia.
