Nanawagan ang Department of National Defense o DND sa New People’s Army o NPA na gamitin ang panahon ng ceasefire para magmuni-muni at pag-isipan ang pagbabalik-loob sa pamahalaan.
Kasabay nito ang pag-anunsyo ngayong araw ni Defense Spokesman Arsenio Andolong na magiging epektibo ang unilateral ceasefire mula alas-6:00 ng gabi ng December 23 hanggang alas-6:00 ng gabi ng December 26 at alas-6:00 ng gabi ng December 30 hanggang alas-6:00 ng gabi ng January 2.
Ayon kay Andolong, bagamat may ceasefire inatasan pa rin nila ang lahat ng sundalo na manatiling mapagbantay at tiyakin ang kanilang kaligtasan.
—-
